Саха театра көрөөччүлэргэ анаан аhаҕас лиэксийэлэри ыытан саҕалаата
«Саха театрын сүгүрүйээччилэригэр, ускуустубаны таптааччыларга уонна ордук ыччакка болҕомтону уурар сыалтан «Тыл – литература – театр» тиhигинэн аhаҕас лиэксийэлэри, кэпсэтии түhүлгэлэрин, «төгүрүк остуоллары» тэрийэр буолуохпут»,
«Саха театрын сүгүрүйээччилэригэр, ускуустубаны таптааччыларга уонна ордук ыччакка болҕомтону уурар сыалтан «Тыл – литература – театр» тиhигинэн аhаҕас лиэксийэлэри, кэпсэтии түhүлгэлэрин, «төгүрүк остуоллары» тэрийэр буолуохпут», – диэн былааннарын билиhиннэрэр Саха театрын дириэктэрин солбуйааччы Геннадий Охлопков .
Ол курдук, кулун тутар 11 күнүгэр, «Маарыкчаан ыччаттара» искпэктээкил сүрэхтэниитин иннигэр суруйааччы, саха литературатыгар маҥнайгынан роман жанрын киллэрбит, гражданскай сэрии кыттыылааҕа Семен Яковлев – Эрилик Эристиин айар үлэтин уратытын, айымньыларын суолтатын уонна кинини саха суруйааччылара, литератураведтара хайдах курдук үрдүктүк сыаналыылларын туhунан истиҥ кэпсээни филологическай наука дуоктара, М.К.Аммосов аатынан ХИФУ профессора, СӨ наукатын үтүөлээх үлэһитэ Варвара Окорокова оҥордо.
Премьера икки күнүгэр, кулун тутар 12-гэр көрөөччүлэргэ анаан Эрилик Эристиин биир дойдулааҕа, саха тылын уонна литературатын учуутала Мария Филиппова уонна очеркист-прозаик, историческай наука хандьыдаата Владимир Пестерев ыалдьыттаатылар. Кинилэр ордук суруйааччы дьылҕатын, суруйааччы үүнэн-сайдан тахсыытыгар төрөөбүт түөлбэ сабыдыалын, гражданскай сэрии, оччотооҕу кэм утарсыылаах дьалхааннарын туһунан сэһэргээтилэр.
Тэрээһин кыттыылаахтарын, Саха театрын көрөөччүлэрин режиссер Сергей Потапов премьера күнүнэн эҕэрдэлээн туран, «Маарыкчаан ыччаттара» бөдөҥ айымньы буоларын быһыытынан, испэктээкил салгыытын таһаарар баҕалааҕын туһунан билиһиннэрдэ. «Салгыы үлэлииргэ баҕа диэн кыра, бастатан туран, бар дьон сэҥээриитин ыларбыт наада» , – диэн чопчулаата режиссер.
Түмүккэ Эрилик Эристиин биир дойдулаахтара, чуолаан Чакыр нэһилиэгин баһылыга Константин Лебедев салалталаах делегация, суруйааччы сиэнэ, Аксения уонна Наталья Посельскайалар ааттарынан Дьокуускайдааҕы хореографическай колледж дириэктэрэ Дария Дмитриева театр салалтатыгар, литературовед В.Б.Окороковаҕа Эрилик Эристиин сырдык аатын үйэтитиигэ дьоһуннаах үлэлэрин иһин махтаннылар. М.К.Аммосов аатынан Хотугулуу-Илиҥҥи федеральнай университет выпускниктара учууталларын М.Е. Филиппова лиэксийэтин дуоһуйа истэн, ахтылҕаннарын биллэрэн, сибэкки дьөрбөтүн туттардылар.
Источник: П.А.Ойуунускай аатынан Саха академическай театрын пресс-сулууспата.Последние новости
«Жизнь, отданная искусству»: в Якутске почтили память Марфы Колесовой-Расторгуевой
Мероприятие приурочили к 75-летию заслуженной артистки России и народной артистки Якутии Марфы Колесовой-Расторгуевой В пятницу, 4 апреля, в национальной библиотеке республики, прошло теплое и душевное мероприятие,
В Якутске торжественно отметили 100-летие выдающегося государственного деятеля Гавриила Чиряева
В Якутске отмечают 100-летие со дня рождения выдающегося государственного и политического деятеля Республики Саха (Якутия), участника Великой Отечественной войны Гавриила Иосифовича Чиряева.
Система бережливости в ЯГБ №2: статус регионального образца
Эксперты высоко оценили внедрение системы бережливости в ЯГБ-2 и присвоили статус регионального уровня Сегодня, 4 апреля,
Торжественное открытие IX Спартакиады депутатов Республики Саха (Якутия)
Сегодня состоялось торжественное открытие IX Спартакиады депутатов, организованной Ассоциацией представительных органов местного самоуправления Республики Саха (Якутия).