Өксөкүлээх төрөөбүт күнэ Бүлүү оскуолаларыгар

Кулун тутар 16 күнэ — саха омук үөрэхтэниитигэр сүдү кылааттаах, саха литературатын төрүттээччи, сырдатааччы, төрөөбүт тылын, норуот устуоруйатын уонна култууратын чинчийээччи, норуот фольклорун утумнаах хомуйааччыта, бөлүһүөк Алексей Елисеевич Кулаковскай-Өксөкүлээх Өлөксөй төрөөбүт күнэ.
Бу күн Саха Өрөспүүбүлүкэтин бэрэсидьиэнин оскуолаларын ситимэ уонна Николаев-Киин көҕүлээһиннэринэн “тыыннаах” чүмэчини уматыы — “Өксөкүлээх сардаҥата” диэн аахсыйа ыытылынна. Бу аахсыйаны бастакы бэрэсидьиэн Михаил Николаев иилээн-саҕалаан, көҕүлээн тэрийбитэ. Бу тэрээһиҥҥэ Бүлүү улууһун оскуолалара туора турбакка “Өксөкүлээх сардаҥатын» тэҥинэн уматтылар.
Чүмэчи — Өксөкүлээх кэмин уота, айар үлэтигэр эрэлэ, олоҕор итэҕэлэ. «Өксөкүлээх Сардаҥата» хас биирдии көлүөнэ ыарахаттары туорууругар, хараҥаны сырдатан, толкуйу тобуларыгар, санааны салайынарыгар көмөлөөх буолуоҕа.

Источник

Предложить новость