Съезд кыттыылаахтара Ил Түмэн дьиэтигэр депутаттары кытта көрүстүбүт
24.11.2022

Съезд кыттыылаахтара Ил Түмэн дьиэтигэр депутаттары кытта көрүстүбүт

Сэтинньи 22 күнүгэр саха тылын, литературатын уонна култууратын учууталларын II-с Өрөспүүбүлүкэтээҕи сийиэһин чэрчитинэн Ил Түмэн дьиэтигэр депутаттары кытта көрсүһүү буолла.

Сэтинньи 22 күнүгэр саха тылын, литературатын уонна култууратын учууталларын II-с Өрөспүүбүлүкэтээҕи сийиэһин чэрчитинэн Ил Түмэн дьиэтигэр депутаттары кытта көрсүһүү буолла.

Саха тылын сайдыытын туһунан улахан боппуруостар көтөҕүлүннүлэр:

1) Саха тылын сайыннарыы сокуонун барыла;

2) Төрөөбүт тыл билиҥҥи туругар көрүүлэр;

3) Саха Өрөспүүбүлүкэтин национальнай оскуолаларын саҥардыы уонна сайыннарыы концепциятын олоххо киллэрии түмүктэрэ;

4) Саха тылын, литературатын уонна култууратын үөрэтии концепциятын сайыннарыы;

5)Өрөспүүбүлүкэтээҕи I-кы сийиэс уурааҕа толоруллуутун ырытыы;

6) Саха тылын уонна литературатын учууталларын статуһа;

Мунньаҕы иилээн-саҕалаан СӨ Ил Түмэн Судаарыстыбыннай мунньаҕын бэрэсэдээтэлин бастакы солбуйааччыта, историческай наука кандидата Жирков Александр Николаевич ыытта. Кини бэйэтин этиитинэн: «Национальнай оскуола концепцията сокуон, ылыныы быһыытынан үлэлии турар. Саҥа концепцияҕа көспөккө, салгыы баар концепцияны тупсаран сайыннара туруохтаахпыт…».
Иккиһинэн, СӨ Ил Түмэн Судаарыстыбаннай мунньаҕын бэрэссэдээтэлэ Еремеев Алексей Ильич эппитэ: «Урут оҕолорбут нууччалыы сатаан саҥарбат буоллахтарына, билигин аны сахалыы сатаан саҥарбаттар…Онон саха тыла, төрөөбүт төрүт тылбыт сүппэтин, симэлийбэтин туһугар бары үлэлиэхтээхпит…». Бу этиилэр билиҥҥи кэмҥэ оруннаахтар. Сылтан сыл аайы олох сайдыытын тэтиминэн оҕолорбут олоҕу кытта тэҥҥэ сайдаллар. Уһуйаантан саҕалаан нууччалыы тыллаах оҕолор тахсан эрэллэр, ону таһынан урукку кэмҥэ 1-11 кылаастарга саха тылын чааһа 49 этэ, билигин 31 чаас буолан турар. Манан төрөөбүт тылбыт сүтэр кутталлаах диэн түмүккэ кэлиэххэ сөп. Оннук буолбатын туһугар үөрэҕирии салалтата, саха тылын учууталлара күүстээх үлэни
ыытыахтаахпыт.

Последние новости

Село Пригородное временно осталось без электроснабжения

В Якутске энергетики восстанавливают электроснабжение потребителей села Пригородное и Покровского тракта в районе 6-10 км.

С Днем рождения Партии «Единая Россия»!

Сердечно поздравляю вас с 21-летием Партии «Единая Россия»!

Питание и север: Сохранение здоровья в условиях Арктики

В продолжение 2-го расширенного научного заседания основное внимание присутствующих было уделено вопросам питания жителей Арктики.

Card image

У кофеварок, как и любого оборудования, могут возникать проблемы в работе, связанные с постоянным или неправильным использованием.

Комментарии (0)

Добавить комментарий

Ваш email не публикуется. Обязательные поля отмечены *