«Үйэлэргэ умнуллубат сырыы…»

Кэлбит сыалбытын-сорукпутун толороору олуньу 21 күнүгэр сарсыарда эрдэттэн туран Улуу Новгородка айаммыт суолун туттубут.Биһигини Поспредство үлэһитэ,

Кэлбит сыалбытын-сорукпутун толороору олуньу 21 күнүгэр сарсыарда эрдэттэн туран Улуу Новгородка айаммыт суолун туттубут.Биһигини Поспредство үлэһитэ, Питер куоракка олорор биир дойдулаахтарбыт -волонтердар барыстылар.Кинилэр госпитальга сытар уолаттарбытыгар күүс -көмө буолаллар, элбэхтик сылдьаллар эбит.

Бастакы тохтобулбут»Великий-Новгород-Старая Русса» трасса кытыытыгар турар»Воинам-якутянам-защитникам Старрорусского района» бэлиэҕэ буолла.Сүгүрүйэн, сибэкки, алаадьы ууран аастыбыт». Салгыы Старай Руссаҕа «Музей Северо-Западного фронта» тиийдибит.Онно биһигини музей үлэһиттэрин кытта Тума И.Г Васильев К.В тиийэн кэтэһэн турара.Музей сүрдээх баай эбит. Оҕолор музейы көрөр кэмнэригэр быыс булан Тума Игорь Григорьевиһы кытта чөкө олорон үлэлээтибит, поисковай үлэни хайдах ыыталларын кэпсээтэ, сүбэ-ама биэрдэ, сотору Саха сиригэр чуолаан Чурапчылар ыҥырбыттарын кэпсээтэ, сибээспитин салгыах буоллубут. Музейга Ильмень күөл кыргыһыытыгар олохторун толук уурбут буойуттарбыт тустарынан матырыйааллары туттардыбыт, ахтыы оҥордубут. Ол курдук соторутааҕыта эрэ, Ильмень күөлгэ сэриилэспит уонна онно көмүс уҥуоҕа хаалбыт Семенов Игнатий Алексеевичкэ аймахтара ыыппыт суруктарын   ааҕан-кэпсээн туран музейга туттардым уонна  Лазарева Р.И, Степанова М.И чугас аймахтарын туһунан эмиэ материал туттардылар. Онтон салгыы Устрек дэриэбинэҕэ тиийэн торжественнай- траурнай митиҥҥэ кытынныбыт. Биһигини кытта Чурапчылар эмиэ тиийдилэр. Тымныыны тымныы диэбэккэ олохтоохтор, ыалдьыттар кэлбиттэр. Санньыйан- кутуруйан туран бу кыргыһыыга Саха сириттэн элбэх киһи үйэ- саас тухары ити кыргыһыыга хаалбыттарын кэпсээтилэр. Олохтоохтор түүн тиийэн дьоннор  өлүктэрин хомуйан биир ииҥҥэ  ытыы-ытыы түһэрэн кистээбиттэрин олус долгуйа иһиттибит. Күөлгэ эмиэ олус элбэх киһи тимирбитин, уута хаанынан туолбутун, оннооҕор билиҥҥэ диэри таастарга хаан сүппэттии хаалан хаалбытын кэпсээтилэр. Поисковай үлэлэр олус наадалаахтарын уонна күүстээх үлэ ыытылларыгар баҕардылар. Ньурбатааҕы лицей «Искра» военно- патриотическай клуб оҕолоро байыаннай дефиле оҥордулар. Ильмень күөлгэ киирэн чөкө сиэр-туом оҥорон, уот  оттон  сыт таһааран сахалыы алаадьы, туос, кытыан уматан уонна Семенов И.А төрөөбүт дойдутун буорун илдьэн Ильмень күөл биэрэгэр куттубут.

Салгыы д.Ретлё  тиийэн Коновязь -сэргэ ҕэ эмиэ алгысчыппыт Сивцев А.И сиэр-туор оҥордо. Биһигини кытта Сэргэ ааптара Михайлов А.В кэргэнин кытта сырытта.

Онон сүрдээх суолталаах тэрээһиҥҥэ сырыттыбыт. Эдэр ыччат сэрии иэдээнин-алдьархайын билиэхтээх.Ону көлүөнэттэн көлүөнэҕэ тиэрдэр хас биирдии киһи Ытык иэспит буолар.

Ким да умнуллубат, туох да умнуллубат!

 

В. Давыдова, Ньурба .

Последние новости

По иску прокуратуры Таттинского района жителем посёлка Джебарики Хая выплачены денежные средства за незаконную рубку лесных насаждений

Установлено, что житель п. Джебарики Хая, не имея разрешительных документов, на участке местности «Кыра-Хая»,

В г. Вилюйске приняты меры по судебному понуждению органов местной власти по созданию инфраструктуры агломерации земельных участков

Прокуратура Вилюйского района провела проверку соблюдения земельного законодательства.

Как военно-спортивная игра “Таёжный герой” меняет жизнь подростков

16 июля на базе Центра профессиональной подготовки МВД стартовала военно-спортивная игра “Таёжный герой”.

Card image

В мире современного строительства и производства металлопрокат играет ключевую роль

Комментарии (0)

Добавить комментарий

Ваш email не публикуется. Обязательные поля отмечены *